13

U petak 13.05.2022. godine, na Velikoj sceni JU Centar za kulturu Pljevlja, održana je promocija knjige “Milan, Vesna i jedna kuća tesna” autorke Jelene Vukić. Milan i Vesna su brat i sestra koji dijele sobu. Stalno se svađaju i izluđuju roditelje, prijatelje i komšiluk. Kada im nestanu omiljene stvari, nakon što odbiju da riješe zagonetku koja se misteriozno pojavila na kuhinjskom stolu, oni su primorani da se udruže i riješe čitav niz zagonetki kako bi sačuvali svoje dragocjenosti, ali se i podsjetili nekih zaboravljenih vrijednosti. Ovo književno djelo, namijenjeno je osnovcima, ali i svima onima kojima je djetinjstvo izvor radosti, a ljubav pokretač. O knjizi je govorila autorka, Jelena Vukić.